24 de febreiro, O Porriño-Vigo : primeira etapa da Volta Ciclista a Galicia “O Gran Camiño”

A provincia de Pontevedra revalídase como “a gran provincia do ciclismo” ao acoller a primeira etapa da Volta Ciclista a Galicia “O Gran Camiño”, que discorrerá o xoves 24 de febreiro con saída no Porriño e final en Vigo. 
A Volta contará con grandes equipos, con ata tres corredores da provincia e será retransmitida a todo o mundo ao través de Eurosport. Así confirmouse na sede da Deputación en Vigo na presentación oficial da etapa.

“O Gran Camiño” achega de novo a Galicia unha competición ciclista profesional na que participarán equipos de primeiro nivel. A última confirmación é a do Israel Start-Up Nation, onde corre Chris Froome (gañador de catro Tour de Francia, dúas Voltas e un Giro), e que se suma ao equipo Movistar, xa confirmado anteriormente. Ademais, dende a organización confían en poder desvelar pronto outras formacións de referencia. Entre os corredores que estarán case con seguridade na Volta a Galicia atópanse catro ciclistas galegos. Tres deles, son da provincia o que pon de manifesto o arraigo que o ciclismo ten no territorio. Trátase de Alejandro Marque (da Estrada), Samuel Blanco (Redondela) e Delio Rodríguez (Moaña), cuxa participación é altamente probable unha vez que se decida o seu futuro profesional. A Volta contará ademais co presencia de Carlos Canal, da provincia de Ourense.

O ex ciclista profesional Álvaro Pino é a persoa que se está a encargar do deseño do percorrido. Nunha intervención por vídeo adiantou que este ía a ser “atractivo tanto para os ciclistas como para ás e os afeccionados, que desfrutarán dunha gran etapa e dun gran día”. Neste senso, Ezequiel Mosquera-responsable da empresa que organiza a Volta- lembrou que “a primeira etapa é un punto de contacto coa carreira e non debemos de facela moi dura e -engadiu- ao final o importante é ter equipos con ganas de guerra”. Mosquera deu as gracias “de corazón a aposta das distintas administracións” que fan posible esta proba e fíxoo tambén coa Deputación de Pontevedra “por ser 100% permeable á proposta que se fixo precisamente polos valores fundamentais que ten a provincia neste deporte. Un deporte con arraigo histórico en Galicia, pero sobre todo aquí, no berce do ciclismo”.


Artículo Anterior Artículo Siguiente
"rbtribuna") Por el final de las absurdas fronteras (políticas, sociales, burocráticas, económicas...) que aún subsisten entre España (singularmente Galicia) y Portugal...y que tanto perjudican a la ciudadanía ibérica