A conselleira de Vivenda e Planificación de Infraestruturas, María M. Allegue, xunto ao delegado territorial da Xunta en Lugo, Javier Arias, visitou hoxe os traballos que se realizan en Sarria

A XUNTA ABORDA NESTE VERÁN OS TRABALLOS DE REFORZO DE FIRMES EN 57 ESTRADAS AUTONÓMICAS AO SEU PASO POR 68 CONCELLOS DAS CATRO PROVINCIAS

En Lugo acaban de comezar estas obras de conservación en catro estradas ao seu paso por Sarria, O Saviñao e Láncara, cun investimento de 2,5M€, e tamén están en marcha os traballos en dúas estradas que descorren por Cospeito, Lugo, Castroverde e Abadín, por 3,6M€

Allegue subliñou o investimento récord da Xunta neste 2025 en materia de conservación e mantemento de estradas,con 68M€ para garantir que os viarios estean nas mellores condicións de seguridade
Con cargo a este orzamento xa se licitaron máis de 43M€ en obras

No outono está previsto o inicio da obra da renovación integral do firme da autovía do Barbanza
A Xunta vén de recibir un total de 120 ofertas para os oito contratos licitados por 184M€ para as tarefas de conservación ordinaria e vialidade invernal nas estradas autonómicas das catro provincias nos vindeiros catro anos