O exilio será o protagonista da imaxe e a retrospectiva do Festival Internacional de Cinema de Bueu
rbtribuna
O exilio será o protagonista da imaxe e a Retrospectiva do Festival Internacional de Cinema de Bueu
Na Retrospectiva abordarase a cuestión identitaria a través de cinco filmes creados por Alexander Kluge, Joao Cesar Monteiro Chantal Akerman, Pier Paolo Pasolini e Jomí García Ascot
En diálogo coa obra destes cinco creadores, o Caderno FICBUEU#6, a cargo de José Manuel Mouriño, afondará no xeito no que a actriz María Luisa Elío e a filósofa María Zambrano relacionaron o exilio e a linguaxe cinematográfica
O Festival de Cinema de Bueu, que se celebrará entre os próximos 5 e 20 de setembro, presentou un dos focos centrais da súa programación: a temática do exilio, que ocupará a Retrospectiva e o Caderno e ademais inspira a imaxe desta edición.
“Queriamos reflexionar sobre o complexo fenómeno do exilio, tan relevante no último século e tan vinculado á sociedade galega, nestes tempos nos que se pretende volver reforzar as fronteiras e restrinxir o libre movemento das persoas. Buscamos recuperar a memoria das persoas exiliadas e achegarnos, a través da Retrospectiva e do Caderno, ás importantes transformacións sociais e culturais das que foron partícipes, poñendo tamén a mirada na multiculturalidade e na complexidade da conformación das identidades”, apunta Manuel Pena codirector do evento.
Na Retrospectiva, o FICBUEU abordará a cuestión identitaria a través de cinco filmes creados por Alexander Kluge, Joao Cesar Monteiro Chantal Akerman, Pier Paolo Pasolini e Jomí García Ascot. Estas pezas exploran, arredor do concepto de exilio, diferentes respostas narrativas e estéticas de cineastas de vangarda.
A modo de apunte, Brutalität in Stein (Brutalidade en pedra) (1961), é a primera película do cineasta alemán Alexander Kluge, e aborda o retorno ás ruínas e á barbarie do ideario nazi promovido polo Tercer Reich. O portugués Joao Cesar Monteiro, tamén no seu debut como director, forza o reencontro da palabra poética coa voz e o corpo no documental sobre a poeta Sophia de Mello Breyner Andresen (1969). A cineasta belga Chantal Akerman desprega en La Chambre (A habitación) (1972) un retorno ao corpo que se agudiza radicalmente no delicado exercicio de auto observación, mentres que Pier Paolo Pasolini entréganos con Pasolini e… A forma della città (A forma da cidade) (1974) un ensaio cinematográfico no que o poeta italiano entoa unha advertencia premonitoria sobre a ameaza fascista.
En toda esta escolma de xestos fílmicos relacionados co exilio, o centro ocúpao o case descoñecido filme de Jomí García Ascot, Remedios Varo 1913-1963 (1967). García Ascot, cineasta exiliado e fillo de exiliados, apóiase na voz da que entón era a súa muller, a actriz, exiliada e filla de exiliados, María Luisa Elío, para perderse nas profundidades da obra de Remedios Varo.
La Chambre (A habitación), de Chantal Akerman; Sophia de Mello Breyner Andresen, de Joao Cesar Monteiro; Pasolini e… A forma della città (A forma da cidade), de Pier Paolo Pasolini
Caderno FICBUEU #6. “O destino como forma. Imaxes do exilio / exilios da imaxe”
Os Cadernos FICBUEU son unha serie de publicacións anuais coas que o festival busca contribuír á bibliografía e historiografía cinematográficas, centrando o foco nas curtametraxes, un formato habitualmente esquecido nos libros de historia do cinema. Nesta edición do festival, o investigador, docente, ensaísta e cineasta José Manuel Mouriño analiza no Caderno FICBUEU#6, en diálogo cos cinco títulos que conforman a retrospectiva, a relación existente entre o concepto de exilio e o mundo da imaxe cinematográfica e audiovisual.
Este ensaio constrúese afondando nos procesos de busca e reflexión de dúas mulleres poetas e creadoras, a actriz María Luisa Elío e a filósofa María Zambrano, ao tempo que analiza a forma en que determinadas autoras e autores asumen o proceso creativo, esencialmente, como unha vivencia. A súas obras, por esta mesma razón, parecen converterse, por momentos, nunha especie de “artefactos temporais” onde conflúen (e se confunden) a súa vida e obra; a súas identidades, o seu pasado ou a súa memoria co seu destino.
Esta actividade contará coa presenza de Diego García, fillo de Jomi García Ascot, director dun dos filmes que conforma a Sección retrospectiva, Remedios Varo 1913-1963 (1967).
Imaxe FICBUEU 2025
Imaxe do 18º FICBUEU: a deslocalización como motor creativo
As propias Remedios Varo e María Zambrano son dúas das referencias principais que se tomaron para chegar a crear a imaxe deste 18º FICBUEU. Ambas viviron o exilio —Varo en México, e Zambrano tamén en varios países, incluído México—. Nas súas obras vemos unha busca profunda do espiritual e do misterioso como forma de entender o mundo e atopar liberdade. Varo faino a través da súa pintura onírica e alquímica; Zambrano, desde unha filosofía poética. As dúas están unidas por unha visión do mundo marcada pola ruptura, e, desde lugares diferentes, exploran temas parecidos marcados pola experiencia de estar lonxe do seu país.
Para chegar á imaxe definitiva desta edición do festival, traballouse arredor da idea de xogo coas texturas e a aplicación de cor sobre diversos fotogramas pertencentes á curtametraxe Remedios Varo 1913-1963, de Jomí García Ascot. Deste xeito, faise referencia a mapas de movemento/calor e ao propio uso da textura de mapa como referencia á deslocalización como motor creativo e estético.
O Festival Internacional de Cinema de Bueu é un evento organizado pola Asociación FICBUEU que conta co financiamento do Concello de Bueu, a Deputación de Pontevedra, a Xunta de Galicia (AGADIC) e o Ministerio de Cultura e Deporte (ICAA).
“Queriamos reflexionar sobre o complexo fenómeno do exilio, tan relevante no último século e tan vinculado á sociedade galega, nestes tempos nos que se pretende volver reforzar as fronteiras e restrinxir o libre movemento das persoas. Buscamos recuperar a memoria das persoas exiliadas e achegarnos, a través da Retrospectiva e do Caderno, ás importantes transformacións sociais e culturais das que foron partícipes, poñendo tamén a mirada na multiculturalidade e na complexidade da conformación das identidades”, apunta Manuel Pena codirector do evento.
Na Retrospectiva, o FICBUEU abordará a cuestión identitaria a través de cinco filmes creados por Alexander Kluge, Joao Cesar Monteiro Chantal Akerman, Pier Paolo Pasolini e Jomí García Ascot. Estas pezas exploran, arredor do concepto de exilio, diferentes respostas narrativas e estéticas de cineastas de vangarda.
A modo de apunte, Brutalität in Stein (Brutalidade en pedra) (1961), é a primera película do cineasta alemán Alexander Kluge, e aborda o retorno ás ruínas e á barbarie do ideario nazi promovido polo Tercer Reich. O portugués Joao Cesar Monteiro, tamén no seu debut como director, forza o reencontro da palabra poética coa voz e o corpo no documental sobre a poeta Sophia de Mello Breyner Andresen (1969). A cineasta belga Chantal Akerman desprega en La Chambre (A habitación) (1972) un retorno ao corpo que se agudiza radicalmente no delicado exercicio de auto observación, mentres que Pier Paolo Pasolini entréganos con Pasolini e… A forma della città (A forma da cidade) (1974) un ensaio cinematográfico no que o poeta italiano entoa unha advertencia premonitoria sobre a ameaza fascista.
En toda esta escolma de xestos fílmicos relacionados co exilio, o centro ocúpao o case descoñecido filme de Jomí García Ascot, Remedios Varo 1913-1963 (1967). García Ascot, cineasta exiliado e fillo de exiliados, apóiase na voz da que entón era a súa muller, a actriz, exiliada e filla de exiliados, María Luisa Elío, para perderse nas profundidades da obra de Remedios Varo.
La Chambre (A habitación), de Chantal Akerman; Sophia de Mello Breyner Andresen, de Joao Cesar Monteiro; Pasolini e… A forma della città (A forma da cidade), de Pier Paolo Pasolini
Caderno FICBUEU #6. “O destino como forma. Imaxes do exilio / exilios da imaxe”
Os Cadernos FICBUEU son unha serie de publicacións anuais coas que o festival busca contribuír á bibliografía e historiografía cinematográficas, centrando o foco nas curtametraxes, un formato habitualmente esquecido nos libros de historia do cinema. Nesta edición do festival, o investigador, docente, ensaísta e cineasta José Manuel Mouriño analiza no Caderno FICBUEU#6, en diálogo cos cinco títulos que conforman a retrospectiva, a relación existente entre o concepto de exilio e o mundo da imaxe cinematográfica e audiovisual.
Este ensaio constrúese afondando nos procesos de busca e reflexión de dúas mulleres poetas e creadoras, a actriz María Luisa Elío e a filósofa María Zambrano, ao tempo que analiza a forma en que determinadas autoras e autores asumen o proceso creativo, esencialmente, como unha vivencia. A súas obras, por esta mesma razón, parecen converterse, por momentos, nunha especie de “artefactos temporais” onde conflúen (e se confunden) a súa vida e obra; a súas identidades, o seu pasado ou a súa memoria co seu destino.
Esta actividade contará coa presenza de Diego García, fillo de Jomi García Ascot, director dun dos filmes que conforma a Sección retrospectiva, Remedios Varo 1913-1963 (1967).
Imaxe FICBUEU 2025
Imaxe do 18º FICBUEU: a deslocalización como motor creativo
As propias Remedios Varo e María Zambrano son dúas das referencias principais que se tomaron para chegar a crear a imaxe deste 18º FICBUEU. Ambas viviron o exilio —Varo en México, e Zambrano tamén en varios países, incluído México—. Nas súas obras vemos unha busca profunda do espiritual e do misterioso como forma de entender o mundo e atopar liberdade. Varo faino a través da súa pintura onírica e alquímica; Zambrano, desde unha filosofía poética. As dúas están unidas por unha visión do mundo marcada pola ruptura, e, desde lugares diferentes, exploran temas parecidos marcados pola experiencia de estar lonxe do seu país.
Para chegar á imaxe definitiva desta edición do festival, traballouse arredor da idea de xogo coas texturas e a aplicación de cor sobre diversos fotogramas pertencentes á curtametraxe Remedios Varo 1913-1963, de Jomí García Ascot. Deste xeito, faise referencia a mapas de movemento/calor e ao propio uso da textura de mapa como referencia á deslocalización como motor creativo e estético.
O Festival Internacional de Cinema de Bueu é un evento organizado pola Asociación FICBUEU que conta co financiamento do Concello de Bueu, a Deputación de Pontevedra, a Xunta de Galicia (AGADIC) e o Ministerio de Cultura e Deporte (ICAA).