O FICBUEU volve formar parte do Shortcutz Amsterdam International Audience Award
rbtribuna
O FICBUEU volve formar parte do Shortcutz Amsterdam International Audience Award
O Festival Internacional de Cinema de Bueu participa nun circuíto mundial de proxeccións de curtametraxes neerlandesas, permitindo ao público votar pola súa favorita.
O FICBUEU – Festival Internacional de Curtametraxes de Bueu volve formar parte do Shortcutz Amsterdam International Audience Award, unha iniciativa que conecta ao público de todo o mundo co mellor da curtametraxe neerlandesa contemporánea.
Organizado por Shortcutz Amsterdam, este premio do público internacional convida ás audiencias de máis de 25 cidades de todo o mundo a descubrir e votar polas súas curtametraxes favoritas entre as seis nominadas a Mellor Curtametraxe do Ano. Entre as cidades participantes nesta edición destacan Lisboa, Johannesburgo, Belgrado, Edimburgo, Londres, Lima, Budapest, Rotterdam ou Maputo.
En España, Bueu consolídase unha vez máis como punto de referencia deste circuíto internacional, grazas á colaboración do FICBUEU, que aposta pola curtametraxe como formato clave para o descubrimento de novos talentos.
Proxección en Bueu
A sesión terá lugar o 16 de xaneiro ás 21:00H no Centro Social do Mar. O público poderá votar pola súa curtametraxe favorita, contribuíndo á decisión final do Premio do Público Internacional.
Barlebas, Malu Janssen | Ficción | 19’59’’ - Drama musical experimental sobre liberdade e persecución.
Beyond Silence, Marnie Blok | Ficción | 17’ - Silencio, poder e coraxe nunha intensa conversación entre tres mulleres.
Marleen, Jop Leuven | Ficción | 6’57’’ - Retrato íntimo das relacións que marcan a vida.
Sanyi Kakas, Lotte Salomons | Documental | 19’16’’ - Historia dun galo que inspira comunidade e esperanza.
Sign and See the World, Safi Graauw | Documental | 10’59’’ - Historia esquecida de mozos surinameses na Segunda Guerra Mundial.
Yaroshenko, Lieuwe Siebe de Jong | Documental | 3’04’’ - Retrato breve e intenso dunha vida marcada pola guerra.
O anuncio da curtametraxe gañadora realizarase o 25 de xaneiro de 2026, no marco da 13ª edición dos Shortcutz Amsterdam Annual Awards, nunha gala que terá lugar en Ámsterdam.
Coa súa participación nesta iniciativa, o FICBUEU consolídase en redes internacionais e reforza a súa proxección como festival especializado na curtametraxe, mantendo o seu compromiso co intercambio cultural e coa creación de pontes entre festivais e audiencias de todo o mundo.
O Festival Internacional de Cinema de Bueu participa nun circuíto mundial de proxeccións de curtametraxes neerlandesas, permitindo ao público votar pola súa favorita.
O FICBUEU – Festival Internacional de Curtametraxes de Bueu volve formar parte do Shortcutz Amsterdam International Audience Award, unha iniciativa que conecta ao público de todo o mundo co mellor da curtametraxe neerlandesa contemporánea.
Organizado por Shortcutz Amsterdam, este premio do público internacional convida ás audiencias de máis de 25 cidades de todo o mundo a descubrir e votar polas súas curtametraxes favoritas entre as seis nominadas a Mellor Curtametraxe do Ano. Entre as cidades participantes nesta edición destacan Lisboa, Johannesburgo, Belgrado, Edimburgo, Londres, Lima, Budapest, Rotterdam ou Maputo.
En España, Bueu consolídase unha vez máis como punto de referencia deste circuíto internacional, grazas á colaboración do FICBUEU, que aposta pola curtametraxe como formato clave para o descubrimento de novos talentos.
Proxección en Bueu
A sesión terá lugar o 16 de xaneiro ás 21:00H no Centro Social do Mar. O público poderá votar pola súa curtametraxe favorita, contribuíndo á decisión final do Premio do Público Internacional.
Barlebas, Malu Janssen | Ficción | 19’59’’ - Drama musical experimental sobre liberdade e persecución.
Beyond Silence, Marnie Blok | Ficción | 17’ - Silencio, poder e coraxe nunha intensa conversación entre tres mulleres.
Marleen, Jop Leuven | Ficción | 6’57’’ - Retrato íntimo das relacións que marcan a vida.
Sanyi Kakas, Lotte Salomons | Documental | 19’16’’ - Historia dun galo que inspira comunidade e esperanza.
Sign and See the World, Safi Graauw | Documental | 10’59’’ - Historia esquecida de mozos surinameses na Segunda Guerra Mundial.
Yaroshenko, Lieuwe Siebe de Jong | Documental | 3’04’’ - Retrato breve e intenso dunha vida marcada pola guerra.
O anuncio da curtametraxe gañadora realizarase o 25 de xaneiro de 2026, no marco da 13ª edición dos Shortcutz Amsterdam Annual Awards, nunha gala que terá lugar en Ámsterdam.
Coa súa participación nesta iniciativa, o FICBUEU consolídase en redes internacionais e reforza a súa proxección como festival especializado na curtametraxe, mantendo o seu compromiso co intercambio cultural e coa creación de pontes entre festivais e audiencias de todo o mundo.